PERSONAL GRUDGE ang nakitang motibo sa pagpamusil patay sa usa ka trisikad drayber sulod mismo sa iyang panimalay sa Zone 8, Purok Vicente, Barangay Labangal, milabay nga adlaw.
Kini ang gikompirma ni PMajor Patrich Elma, hepe sa Makar Police station.
Nakaangkon og samad pinusilan sa dughan nga hinungdan sa kamatayon sa biktima nga si Allan Galias, 45-anyos, ug nagpuyo sa nahisgotan nga lugar.
Aduna na matud pay nakita nga person of interest ang Makar Police station nga posibleng mag-atubang sa balaod sa pagpamusil sa nasampit nga biktima. ( Enamie Mogpon)
