Gipalig-on pa sa Bureau of Customs-Port of Davao ang pagbantay batok sa iligal nga mga kontrabanado nag makasulod pinaagi sa gilusad nga joint surveillance inspection.
Kauban sa BOC-Davao sa inspeksyon sa maritime areas sa Davao City Gulf padulong sa Mati, Davao Oriental ang Philippine Coast Guard (PCG)-Task Force Aduana ug Philippine Drug Enforcement Agency (PDEA) Regional Office XI-Seaport Interdiction Unit.
Tumong niini aron masiguro nga napatuman og sakto ang border security measures batok sa posibleng pagpayuhot sa iligal nga droga ug ubang ginadili nga mga butang nga makasulod unya sa areas of responsibility sa Collection District XII.
Sakay sa BRP Kalanggaman FPB 2024, ang mag sakop sa BOC, PCG ug PDEA nga nagpatrolya sa Davao Gulf, Pujada Bay ug Mayo Bay sa Davao Oriental.
Hinoon nagnegatibo sa smuggling ug illegal activities ang inspeksyon apan gipaniguro sa BOC ug PCG-Davao sa pagpanguna nilang District Collector, Atty. Erastus Sandino Austria ug Commissioner Rey Leonardo Guerrero nga magpadayon ang hugot nga pakig-alayon alang sa revenue collection, border protection ug trade facilitation. BNFM-DAVAO
