Inanunsyo ng Bases Conversion and Development Authority (BCDA) na gagawa ang Philippine Marines Corps (PMC) ng bagong headquarters sa Bataan.
Isinagawa ang groundbreaking ceremony noong Huwebes para simulan ang konstruksyon ng bagong headquarters at operational fcilities sa 100-ektaryang lote.
Itatayo ang bagong headquarters sa BCDA-administered Bataan Technology Park (BTP) sa bayan ng Morong.
Samantala, present naman sa seremonya sina PMC commandant Major General Ariel Caculitan at Philippine Navy vice commander Major General Nestor Herico at pati na rin si BCDA officer-in-charge Aristotle Batuhan.
Nakikita ng BCDA na ideal ang lokasyon ng Bataan headquarters sa pagpapabilis ng emergency response at deployment ng mga tropa.
Ipinaliwanag ng ahensya na hindi kasi ito katulad ng headquarters sa Metro Manila, na kung minsan ay naaantala ang operasyon dahil sa trapiko at congestion.
