Pormal nang nanumpa si Ferdinand “Bongbong” Marcos Jr., bilang pang-ika 17 pangulo ng Republika ng Pilipinas.
Ginawa ang makasaysayang seremonya sa National Museum sa Manila, kung saan si Chief Justice Alexander Gesmundo ang nag-administer ng panunumpa.
Matatandaan na ang ama ni PBBM na si late Ferdinand Marcos Sr., ay nanumpa rin sa National Museum noong Dec. 30, 1965, at noong Dec. 30, 1969, matapos ang kanyang reelection.
Karamihan rin sa postwar presidents ay nanumpa sa dating kilalang Independence Grandstand, na kinabibilangan nina Manuel Roxas, Elpidio Quirino, Ramon Magsaysay, Carlos P. Garcia, Diosdado Macapagal, Marcos, Fidel V. Ramos at Benigno Aquino III.
Ang 64-taong gulang na si Marcos Jr. ay nakakuha ng landslide victory sa May 9 elections sa mahigit over 31 million votes. //MHEL PACIA
