LEGAZPI CITY – Nagkondusir ki manlain-laing aktibidad an lokal na gobyerno kan Daraga, Albay katakod kan selebrasyon nin National Disabiity Rights Week.
Igwa ini nin temang “Promoting Inclusion: Celebrating Abilities and Advocating Access” na pinangenotan kan Person with Disability Affairs Office (PDAO) kun sain pigbida an talento kan mga PWD huli ta sa nangyaring culminating activity, nagkaigwa ki singing contest, dance contest asin poster making contest.
Mientrastanto, hale pa an mga partisipantes sa manlain-laing barangay, mantang magigurumduman na pigdeklarar ni Presidente Ferdinand Marcos Jr. an Hulyo 17-23 kada taon bilang komo National Disabilty Rights Week na may obhetong maasigurar na natatawan importansya an diretsos-pantawo kan mga PWD sa kada komunidad.
