Binawasan ang oras ng operasyon ng Manila Zoo sa bisperas at sa araw ng Pasko at maging sa Bagong Taon.
Sa abiso ng pamahalaang lungsod ng Maynila, sa December 24 at 31 ay mula alas-nuwebe ng umaga hanggang alas sais ng gabi lamang ang operasyon ng nasabing zoo.
Habang sa December 25 at January 1, simula alas-dose ng tanghali hanggang alas-otso ng gabi ang operasyon nito.
Una nang pinalawig ng Manila Zoo ang kanilang operasyon tuwing Biyernes, Sabado at Linggo ngayong buwan para tumanggap ng maraming bisita.
