Arestado ang isa ka mangunguma matapos ginserbihan sang warrant of arrest sang mga katapo sang Dumarao Municipal Police Station sa pagpanguna ni Pmaj Cristopher Candelario sa Brgy. Gibato, Dumarao, Capiz takna alas 4:30 kahapon sang Miyerkules, Abril 10.
Ginkilala ang akusado kay alyas “Mar,” 49-anyos kag residente man sang nasambit nga lugar.
Nagapangatubang ini sang kaso nga Homicide kun sa diin ang warrant of arrest ang gin-isyu kag ginpermahan ni Judge Kristine B Tiangco-Vinculado, RTC, 6th Judicial Region, Branch 16, Roxas City, Capiz napetsahan Pebrero 28, 2024.
Sa karon, nagapabilin ini sa kustodiya sang Dumarao MPS para sa nagakaigo nga disposisyon. | Judy Ann Juare