Dakup sa ginpatigayon nga Anti-Illegal Fishing Operation kang Patnongon Municipal Police Station kaimaw kang MENRO-Patnongon, Bantay Dagat Task Force si Tony Rangas, 38 anyos, kag residente kang Playa St., Brgy. Poblacion, Patnongon, kahapon nga adlaw, Agosto 8, las-11:56 sa adlawon bangud sa paglapas kang ordinansa natuhoy sa paggamit kang baroto nga wara kang permit.
Lakip sa narecover kang mga otoridad mo ang sangka fishing boat nga nagabalor kang P30,000.
Ginpinahan naman ang persona kang P500 bangud sa bayolasyon kag ginpaidalum sa kustodiya kang Patnongon MPS antes gintugyan sa MENRO-Patnongon para sa nagakaigo nga tikang.
