Milagro nga wara masamadan ang sangka lalaki matapos nga aksidente nga nabungguan kang Ceres bus ang anang motorsiklo sa Brgy. Poblacion, Tibiao, kang Agosto 8, las-11:20 sa aga.
Ginkilala ang driver kang motorsiklo nga si Jack Jones Eno, 24 anyos, estudyante, kag residente kang Brgy. Tuno, Tibiao, samtang ginkilala naman ang driver kang nasambitan nga unit kang Ceres bus kay Allan Rubite, 30 anyos, kag residente naman kang Brgy. Milagrosa, Anini-y.
Suno sa impormasyon, nagpondo ni Eno sa atubangan kang Tibiao Municipal Hall, samtang naga U-turn naman ang amo nga bus kag bangud wara ka dya natalupangdan ang motorsiklo, dya ang aksidente na nga nabungguan.
Nag-agum naman kang kahalitan sa front wheel kang motorsiklo samtang gasgas naman ang sa ceres bus.
Gilayon naman nga gindara ang darwa ka mga drivers sa Tibiao MPS para sa nagakaigo nga disposisyon.
