Arestado ang isa ka wanted person matapos ginserbihan sang warrant of arrest sa Poblacion Norte, Ivisan, Capiz.
Ginkilala ang naaresto kay Jay-R Basa, 30 anyos, residente sang Barangay Agmalobo sang nasambit nga banwa.
Nagapangatubang sang kaso nga paglapas sa Republic Act 9262 ukon Anti-Violence Against Women and their Children Act of 2004 si Basa.
Ang warrant of arrest ang permado kag gin isyu ni Hon. Faustino Roxas Jr., Acting Presiding Judge, Regional Trial Court, Branch 14, Roxas City, Capiz napetsahan Agosto 6, 2020, kag nagrekomendar sang pyansa nga gabalor P60,000 para sa temporaryo nga kahilwayan.
Sa karon, yara ini sa Ivisan Municipal Police Station para sa nagakaigo nga disposisyon. | Judy Ann Juare
