GIKUMPIRMA ni PCol Jomar Alexis Yap, labaw sa General Santos City Police Office (GSCPO) nga posibleng tan-awon nila og asa sila gikulang sa pagbantay sa kahusay ug kalinaw sa Gensan.
Kini ang iyang giluwatan human sa nahitabong pagpamusil patay sa pintor nga si Ian Jay Durban sa Purok Bayanihan, Barangay San Isidro ning dakbayan.
Gipamahayag usab niini nga posible usab nga mohimo sila og mga lakang o pag-usab sa mga estratehiya.
Dugang pa niini nga kon may police visibility sa mga matawo nga lugar, posible usab matud pa nga pasadahan sa mga patrol ang mga sudlonon nga lugar nga sama sa nahitaboan ni Durban. I Danny Casi
