Dakop sa akto ang isa ka mamumugon nga nagatapataya sang iligal nga pasugal nga ginatawag “Pick 2” sa Brgy. Duyoc, Dao, Capiz takna alas 3:17PM kahapon sang Lunes, Mayo 27.
Ginkilala ang nadakpan kay Arnel Barona, 32-anyos kag residente man sang nasambit nga lugar.
Nakuha sa iya paghinakop kag kontrol ang isa ka resibo bilang improvised cotejo nga may number combinations; P102 nga cash sa nagkalain-lain nga denominasyon; isa ka ballpen kag isa ka unit sang motorsiklo.
Sa karon, nagapabilin ini sa kustodiya sang Dao Municipal Police Station para sa nagakaigo nga disposisyon. | Judy Ann Juare
