Arestado ang isa ka 50-anyos nga lalaki nga may kaso sa paghupot sang iligal nga armas-luthang matapos ginserbihan sang warrant of arrest sang kapulisan sa Bangbang St., Barangay Inzo Arnaldo, Roxas City, Capiz takna alas 8:35 kagab-i sang Lunes, Mayo 27.
Ginkilala ang akusado kay Anthony Albason, residente sang nasambit nga lugar.
Ang warrant of arrest ang gin-isyu kag ginpermahan ni Judge Faustino V Roxas Jr., Regional Trial Court, Sixth Judicial Region, Branch 18, Roxas City napetsahan Mayo 20, 2024.
Ginrekomendar sang korte ang piyansa nga P80,000 para sa temporaryo nga kahilwayan sang akusado.
Sa karon, nagapabilin ini sa kustodiya sang Roxas City Police Station para sa nagakaigo nga disposisyon. | Judy Ann Juare
