Nagpatigayun it magkaseparar nga seminar ro Malay Municipal Police Station kaangot sa Bomb Identification and Detection Security Awareness Seminar sa Cagban Jetty Port, Manocmanoc ag Caticlan Jetty Port, Malay, Aklan ku June 8 hasta June 9, 2022.
Ro nasambit nga aktibidad hay ginpartisiparan it Malay PNP personnel with uniformed-and non-uniformed personnel it Cagban Jetty Port ku June 8, 2022 ag Caticlan Jetty Port ku June 9, 2022 sa pagpanguna ni Atty. Shelwin Ibarreta, Port Administrator.
Ro naging resource speakers sa seminar hay sanday PLTCOL DON DICKSIE L DE DIOS, Malay COP ag si PMSgt Conrado E Juguan lll, PNP EOD K9.
Pila sa mga naistoryahan nga topiko hay angot sa Improvised Explosive Device Awareness, IED components, bomb threat management and police procedures sa pagresponde sa bomb threats.
Gintalakay man ni PLTCOL DE DIOS ro Presidential Decree No. 1727 o Anti-Bomb Scare Joke Law, nga ro sin-uman nga tawong magapakalat it saea nga impormasyon it anumang pagpamaeag angot sa mga bomba o pampasabog hay sangka pag eabag sa nasambit nga laye nga may penalidad nga 5 dag-on nga pagkakulong.
Gindeklara it Philippine National Police ro full alert status matapos ro pagsabog it sangka bus nga naga-biyahe sa intersection sa tunga it Aquino Street ag Gensan Drive sa Koronadal City, South Cotabato Province, ku hapon it Mayo 26. / ANN DESLENE SALAZAR
