Nag rank no.1 ro Malay Municipal Police Station sa idaeum it pagpamuno ni PLTCOL MAR JOSEPH B RAVELO, Acting Chief of Police sa Unit Performance Evaluation Rating para sa buean it February 2024 it Aklan Police Provincial Office.
Ginagamit ro UPER System it Philippine National Police (PNP) para i-standardize ro pagpatigayun it monthly performance assessment it National Administrative Support Units.
Raya hay agud masukat ro kamayad it sari-saring taeatapan o unit.
Ro PNP UPER System hay ginagamit bilang gabay sa pag-assess it andang performance sa pagpatupad it mga programa it PNP ag sa andang mga responsibilidad.
Gindayaw man ni Malay Acting Chief PLTCOL RAVELO ro mga personnel it Malay Municipal Police Station ag ginpasiguro ro padayun nga pagtao it serbisyo sa publiko. // ANN DESLENE SALAZAR
