LEGAZPI CITY – Pigmamantenir man tulos kan Department of Public Works and Highways Bicol an mga tinampo orog na kun igwa ki maraot na panahon asin grabe an uran.
Ini an pigsiyerto ni DWPH Bicol Regional Spokesperson Lucy Castañeda sa Brigada News FM Legazpi, kun sain sinabi niya na kan nakalihis na pirang aldaw na grabeng pag-uran, dakol na mga kahoy an nagkaturumba na haros nakaulang sa tinampo, alagad tulos man ninda ining pighahale nganing dai makaapektar sa mga motorista o sa mga tawong nag-aaragi.
Segun saiya, may maintenance sinda kain asin nagpapadagos an mga maintenance activities kan saindang mga personahe. Dai man su boot ninda ini pigpapabayaan nganing dai na mag-ambag pa sa mga trapiko sa tinampo.
