Gitanggong karon sa Mambaling Custodial Facility ang usa ka mahuyang human gikatahong midagmal sa laing menor de edad nga mahuyang usab.
Nasayran nga ang mireklamo usa ka 17 anyos, estudyante ug residente sa Alumnus St., Brgy., Basak San Nicolas, dakbayan sa Sugbo ug ang gireklamo mao ang usa ka Jacob Alcala, 34 anyos nga molopyo sa susamang dapit.
Giingung ang suspek, sa walay igong rason giatake ang biktima nga naigo sa iyang ulo ug lain-laing parte sa lawas hinungdan sa pagkaangol.
Ang kaso nahulog ubos sa Barangay Level ug gisulay sa paghusay ang kaso sa Barangay Hall, apan ang suspek nga gituohang ubos sa ilimnong makahubog giingung mibuhi og mga ngil-ad nga pulong batok sa complainant, Police ug BPSO personnel.
Tungod niini, gipasaka ang kaso sa Police Station ug sa Police Station ang duty investigator, nisuway og husay sa kaso ug ni-refer og balik sa Barangay Basak San Nicolas apan wala matud pa makontento ang suspek nga nahimong agresibo, gitunglo ang Kapulisan, BPSO ug gihulga nga pasakaan sila og kaso tungod sa giingong pagpabor sa reklamante.
Apan dihang gikahinabi sa Brigada News FM Cebu ang suspect hugtanun kining mihimakak sa mga pasangil ug wala gyud matud pa siya makadapat sa reklamante. | Jonalyn Jumabis
