Patay ro sangka American national matapos segun raya nga maeumos ku Hulyo 14, 2024, sa front beach sa Sitio Manggayad Brgy. Manocmanoc sa isla it Boracay.
Suno sa mga nakakita, nagahampang ro 36 anyos nga biktima ag ro anang unga sa baybay kat gulpi eang raya nga natumba sa tubi nga pagdumdom nanda hay naga joke eang sa anang unga.
Pilang minutos ag nakita eon lang ro biktima nga nag eutaw ag owa eon naga hueag rasun nga gindaea raya it Malay MDRRMO sa Ciriaco Tirol Hospital kung siin, matapos ro pilang beses nga pag-revive sa biktima hay gindeklara raya it attending physician nga patay. // ANN DESLENE SALAZAR
