LEGAZPI CITY – Nagpagiromdom an Civil Aviation Authority of the Philippines (CAAP) Bicol sa gabos na mga pasahero hale sa Bicol International Airport (BIA).
Dapat su boot na antisiparan an trapiko sa main gate kan nasambit na eropuerto. Ini huli ta pig-implementar na an saindang mahigot na inspeksyon sa gabos na mga behikulong maralaog digdi.
Basado ini sa ipinaluwas na pagiromdom kasuudma katakod kan nangyaring bomb joke incident kan nakalihis na semana.
Nasa heightened alert na su boot an seguridad sa BIA katakod kan nasambit na insidente.
Huli kaini, pig-aabisuhan ninda an out-going na mga pasahero na mag-amay sa BIA at least 3 oras antes an saindang flight nganing dai na magkaproblema.