LEGAZPI CITY – Uminabot sa 50 mga paraoma sa Camalig an nagpartisipar sa ikinondusir na “Palaysikatan” Field Work kan Department of Agriculture-Philippine Rice Research Institute (DA-PhilRice).
Hale an mga ini sa mga barangay kan Sua asin Libod.
An nasambit na programa, nasa irarom kan Rice Competitiveness Enhancement Fund-Seed Component (RCEF-Seed) Program, kun sain obheto kaining matawanan nin technology demonstration an mga benepisyo sa paggamit kan pigrerekomendar na inbred rice varieties asin pag-adapt kan mechanism sa modernong pag-oma.
Sa paagi man kaini, matatabangan an mga paraoma na magkaigwa nin ideya kun ano an pinakatamang pagmanehar nin omahan na pwedesir magresulta sa paglangkaw kan potensyal kan ani asin kita.
