Mahigit P20 milyong pisong halaga ng hinihinalang kush ang nasabat ng mga awtoridad sa bagahe ng isang Thai national sa NAIA Terminal 3 kagabi.
Ayon kay PNP Drug Enforcement Group Director, BGen. Eleazar Matta, naaresto ang 40-anyos na dayuhan sa ikinasang controlled delivery operation ng NAIA- Interagency Drug Interdiction Task Group sa International Arrival area ng paliparan
Nasamsam sa suspect ang isang plastic sachet na naglalaman ng nasa 14, 825 grams ng suspected kush na nagkakahalaga ng Php20,755,000.00.
Kasong paglabag sa Comprehensive Dangerous Drugs Act ang kahaharapin ng suspek.
