CAMARINES SUR- 27,281 indibidwal ang naapektuhan ng ulang dala ng Shearline sa lalawigan ng Camarines Sur, ito ay batay sa tala ng Office of the Civil Defense Bicol.
Sila ay residente ng 76 barangays mula sa Caramoan, Magarao, Pasacao, Sagñay at Lupi. Sa record pa ng OCD Bicol hindi gaano tumaas pa ang lebel ng tubig. Minonitor ang mga pamilyang nasa may landslide prone areas. Sa Kabutihang palad wala namang kinailangan ilikas.
Ayon kay Sagñay MDRRM Operations Chief Noli Pielago, malaking bagay din ang maagang suspension ng klase nitong mga nagdaang araw dahil hindi na naapektuhan ang mga estudyanteng dumaraan sa mga spillway.
