Nagpadayon karon ang hot pursuit operation sa mga personahe sa Digos City Police Station sa mipusil-patay sa usa ka trabahante sa lending company, kagahapon sa buntag sa Purok Talisay, Roxas Extension, Barangay San Miguel, Digos City.
Giila sa otoridad ang biktima nga si Glenboy Monday Aldeguer, 42 anyos, minyo, account officer sa usa ka Lending Company.
Kahinumdoman nga samtang nagmaneho sa iyang motorsiklo ang biktima, kalit na lamang siya nga gipusil sa wala mailhing suspek tumong sa iyang tuong aping nga maoy hinungdan sa iyang kamatayon.
Human sa gihimong krimen, gilayon kining misibat padulong Emily Homes Subdivision, Barangay Tres De Mayo, Digos City.
Narekober sa Davao Sur Provincial Forensic Unit (DSPFU) sa crime scene, ang brown nga pitaka, School ID, cellular phone, motorsiklo ug helmet.
Kasamtangan, padayon ang gihimong imbestigasyon sa kapulisan aron nga matumbok ang motibo sa krimen.
