KORONADAL CITY- UMABOT na sa 27,476 na mga magsasaka ng palay sa Soccsksargen region ang nakabenepisyo sa Rice Farmers Financial Assistance program o RFFA ng Department of Agriculture o DA.
Ito ay kinabibilangan ng 11,655 na mga rice farmers sa South Cotabato; 1,193 sa Sarangani; 6,394 sa North Cotabato; at 8,234 beneficiaries sa Sultan Kudarat.
Ang RFFA ay mula sa excess rice tariff na nakolekta sng Bureau of Customs mula sa mga inangkat na bigas.
Sa rehiyon 12, naglaan ang DA ng P 157 million cash subsidy para sa 30,959 na target beneficiaries nito na makakatanggap ng tig P5,000 na ayuda.
