KORONADAL CITY- NANANAWAGAN ng mga volunteers ang Department of Health o DOH Region 12 para sa unang round ng Bayanihan Bakunahan Regional COVID-19 Vaccination Days na magsisimula na ngayong araw January 24 hanggang January 26, 2021.
Ayon kay DOH 12 regional immunization program manager Dr. Edvir Jane Montañer na nangangailangan ang mga vaccination teams ng mga local government units (LGUs) ng mga doctors, trained nurses, medical clerks interns, pharmacists, at mga 4th year nursing students bilang mga health screeners at mga vaccinators.
Nangangailangan din ang mga ito ng mga health professionals at teachers at iba pa na na magsisilbi bilang mga health educators at para sa post vaccination monitoring, gayundin mga data encoders sa mga registration areas.
Sa mga gustong mag-volunteer, makipag-ugnayan lamang sa mga rural health units.
Sa buong rehiyon, umaabot sa 1,220,139 na mga indibidwal ang target ng DOH-12 na mabakunahan sa unang round ng regional vaccination days.
Maaaring magpabakuna dito ang mga unvaccinated, mga partially vaccinated at yaong mga eligible na sa booster dose.
