Sapul sa cctv camera ang pagnanakaw sa loob ng tahanan sa Brgy. Sta. Monica nitong umaga ng Miyerkules, ika- 18 ng Agosto.
Ayon kay Vanessa Mae Dela Vega, pasado alas 4:00 madaling araw kahapon nangyari ang pagnanakaw sa kanilang bahay sa Purok Princeville Bgy. Sta Monica Puerto Princesa City.
Umakyat sa bakod at dumaan sa bintana ang suspek.
Nakita na lamang ang ibang gamit sa kabilang lote ng pamilya.
Tinangay ng magnanakaw ang 2 laptop na gray (HP Pavilion at Acer Aspire 5) nakuha rin ang smart watch, Huawei phone at cash.
Patuloy na inaalam ang pagkakakilanlan ng suspek na nasa CCTV footage.
