Patay ang dalawang indibidwal matapos itong pagbabarilin ng hindi pa nakikilalang suspek sa Barangay Bignay 1, Sariaya, Quezon nitong Martes, Hulyo 30.
Ayon sa report, nakasakay umano ang mga biktimang sina alyas “Michelle” at alyas “Limuel” sa kanilang tricycle nang makailang beses na pinagbabaril ang mga ito.
Dead on the spot ang mga biktima habang ang suspek naman ay agad na tumakas.
Sa ngayon, patuloy ang isinasagawang imbestigasyon at operasyon ng mga awtoridad upang matukoy ang suspek at ang motibo nito sa pamamaril.
