Reymund Titong
NEGROS OCCIDENTAL, Philippines — Bangud sa ika-38 nga Negros Trade Fair (NTF), mag-amay nga Cabudillo sa banwa sang Isabela, tigayon nga nagkitaay sa Glorietta Mall sa Makati City, matapos ang halos tatlo ka dekada nga nangin malayo sa isa kag isa.
Si Agripino Cadullo, (left) ang 79-anyos nga taga Barangay Riverside sa banwa sang Isabela ang isa ka basket weaver sa diin isa sa iya nga bata ang wala niya makit-an sa sulod sang 25 ka tuig, matapos ini nag halin sa ila banwa bangud sa hibubun-ot sa amay nga anay may lain nga ginapatihan nga ideolohiya.
Si Agripino ang miyembro sang Barangay Riverside Upland Farmers Association (BRUFA), nga isa nga gindala sang Association of Negros Producers (ANP) sa idalum sang Balik-Salig program sang gobyerno probinsyal sa Makati bangud sa katanda sini nga mag himo sang mga basket.
Bangud nabalitaan sang iya bata (hungod nga wala ginpangalanan) nga yara ang iya amay sa Makati, gilayon ini nga nagkadto sa lugar.
Didto kag nag-estoryahanay ang duwa matapos sang malawig nga panahon.
Pahayag pa ni Agripino, madugay nya na ginapangayo ang tion nga magkitaay liwat sila sang iya bata, bisan sa makadali lang nga panahon.
Indi lang nangin longest-running provincial trade fair ang NTF, kun indi nag serbe man nga reunion sa mga mag pamilya nga tinuig na nga wala maka puli sa Negros Occidental.
Madamo naman nga mga manugbakal gikan sa nagkalain-lain nga lugar sa kalibutang ang nanamian sa pang-ubra ni Agripino sa iya nga mga produkto. – BNFM Kabankalan
