Gin reklamo it residente ru mabahong piggery nga maeapit sa panimaeay sa Brgy. Briones, Kalibo, Aklan.
Suno sa tagreklamo, gin dangup eon sa barangay ag sanitation office it Kalibo ru reklamo apang hasta sa makaron hay uwa it naga kaigo nga action.
Nasubo ru tagreklamo bangud ru reklamo hay kato pa sa dating administrasyon it banwang Klaibo ag hasta sa makaron nga may bag-o eon nga munivipal mayor hay uwa gihapon naka abot ru reklamo sa taeatapan ni Kalibo Mayor Juris Sucro.
Aminado ru tagreklamo nga naghimo man it inspection ru Municipal Sanitary Inspector sa lugar apang hsuto eamang mag palitrato, maghimo it report apang uwa gid rigun it naga kaigo nga action.
Dugang pa it tag reklamo, mabuhay eon nga dinag-on ru andang gin antos sa paghugom it mabahong piggery dahil sa naga tao sanda it konsiderasyon sa tag-ana.
Apang ku ulihi hay indi eon nanda matakuran ru hugom rason nga nag-eapit eon sanda sa Sanitary Office it LGU-Kalibo.//MARIVIC Y. ILIN
