LEGAZPI CITY – Maabot sa PHP2M na kantidad ki revenue an nakolekar Camalig Tourism Office hale sa mga tourist spot sa banwaan.
Nakolektar ini sa paagi kan tourist registration asin environmental fees puon kan Enero hasta Hunyo kaning taon hale sa 6 na aktibong tourism sites, partikularmente an Solong Eco-Park sa Brgy. Solong; Quituinan Ranch sa Brgy. Tinago; Sumlang Lake sa Brgy. Sumlang; Hoyop-hoyopan Cave sa Brgy. Cotmon; Quituinday Green Hills sa Brgy. Quituinday; asin El Miro De Shei sa Brgy. Salugan.
An nasambit na mga baragay, nakaresibi nin 30% share sa bilog na nakolektar na kantidad.
Pinangenotan kan Municipal Tourism & Cultural Heritage Office (MTCHO) asin Municipal Treasurer’s Office (MTO) an distribusyon kan tseke, kun sain an 30% an uminabot sa labi PHP500,000 na pinagbarangaan man kan kada Barangay.
Sa ngunyan, ini an bilang pagsunod sa Municipal Ordinance No. 2016-10 o an “Camalig Integrated Tourism & Cultural Heritage Code” na obhetong matabangan asin mas mapamarhay an estado kan mga pigbibisitang tourist spots bako sana para sa mga turista kundi pati na man sa mga residente.
