NAGA CITY- “Dapat na maging modelo sa magandang asal ang mga guro”.
Ito ang sinabi sa Brigada News FM Naga ni Department of Education Regional Director Dr. Gilbert Sadsad matapos na maaresto ang isang guro sa Goa, Camarines Sur na nagbebenta umano ng ipinagbabawal na gamot.
Ayon kay Sadsad, wala silang pondo para sa drug testing kaya nagpapasalamat sila sa aksyon ng Philippine Drug Enforcement Agency at Philippine National Police sa paghahanap sa mga nalilihis ng landas.
Kasunod nito ang pakiusap ng Regional Director sa PDEA at PNP na muli silang tulungan kung may bulok sa organisasyon. Marami aniya ang mabubuting guro kaya piliing maging tama ang tatahaking landas.
