SORSOGON CITY – Bukod sa lungsod ng Sorsogon, tatlong mga LGU pa sa lalawigan, kinabibilangan ng Barcelona, Bulusan at Pilar ang kabilang sa nakakuha ng perpektong 100% Audit Rating sa buong Rehiyong Bicol sa katatapos lamang na 2019 at 2021 Peace and Order Council Performance Audit ng DILG.
Pinagbatayan sa ginawang assessment ang mga sumusunod: Organization, Meetings, Policies, Plan and Budget, Reports, General Supervision, at Innovations.
Mababatid na ang performance audit ay regular na isinasagawa upang matukoy ang paggampan ng mga lokal na POC, at upang masuri ang kanilang pagpapatupad ng kapayapaan at kaayusan at mga programa para sa kaligtasan ng mga kumunidad.
