Umaapela ngayon ang Land Transportation Office (LTO) Bicol sa lahat ng mahuhuli dahil sa paglabag sa batas-trapiko na dapat kilalanin at irespeto ang mga Law Enforcer ng nito.
Ayon sa tanggapan, huwag suhulan o iwasang alukin ng pera o anumang uri ng panunuhol para lamang malusutan ang pananagutan.
Dagdag pa nito, ang pag-aalok umano ng mga suhol sa mga alagad ng batas ay hindi wasto at magpapalala lamang ng mga bagay o maaaring humantong pa sa pagkakakulong mahuhuli mang nanunuhol.
Sinabi ng ahensya, walang tiwaling enforcer o opisyal kung walang mag-uudyok na maging tiwali.
