Gihulipan na si Land Transportation sa Central Visayas (LTO- 7) director Victor Emmanuel Caindec sa iyang katungdanan isip regional director sa buhatan.
Epektibo, kagahapon sa buntag, Hunyo 20, nilingkod na isip bag-ong OIC regional director sa buhatan si Glen Galario, kinsa maoy Assistant Regional Director sa LTO-7.
Personal nga si Caindec ang nipahibaw sa maong balita sa social media, pinaagi sa Special Order nga gipirmahan ni Department of Transportation (DOTr) Secretary Jaime Bautista, human ang bag-ong appointee mi-viced sa iyang item sa Region 4B epektibo niadtong May 30, 2023.
Nanghinaot si Caindec nga maayo si Glen sa Galario sa iyang bag-ong buhaton ug malaumon sya sa mga personahe sa LTO-7 nga magpabiling lig-on sa pagserbisyo sa kaayohan sa publiko.
Si Caindec nahimong LTO 7 director sulod sa 5 ka tuig ug 6 ka buwan; tinudlo siya ni kanhi Presidente Rodrigo Duterte.
Atol sa termino ni Caindec isip LTO 7 director, iyang gidoble ang footprint sa LTO 7 gikan sa 18 ngadto sa 36 ka mga buhatan ug naghatag ug libreng theoretical driving courses sa nagkalain-laing lokalidad, nga adunay dul-an sa 20,000 ka mga gradwado sa tibuok rehiyon.///
