CEBU CITY – NagTop-1 sa 2023 Physical Therapists Licensure Examination, ang usa ka gradwado sa Southwestern University (SWU) sa dakbayan sa Sugbo.
Si Edzelle Mhay Benitez Naquila nakakuha ug 89.90 passing rate sa PT Licensure Examination.
Gawas kang Naquila, laing duha ka Southwestern University graduates ug duha usab ka Velez College graduates ang lakip sa Top 10 sa maong eksaminasyon.
Gi-anunsyo sa Professional Regulation Commission kun PRC nga gikan sa 1,026 ka examinees sa Physical Therapists 708 niini ang nakapasar samtang sa 215 ka examinees sa Occupational Therapists 128 usab ang nakapasar.
Gihimo ang eksaminasyon sa PT ug OT sa National Capital Region, Baguio, Cebu, Davao, Iloilo, Legazpi, Pampanga ug Rosales karung buwana.//
