Inatasan ni Pangulong Ferdinand Marcos Jr. ang Department of Agriculture-Bureau of Fisheries and Aquatic Resources na tugunan ang illegal, unreported, at unregulated fishing sa bansa
Ito ay sa pamamagitan ng paglikha ng isang komprehensibong pag-aaral kaugnay sa rehabilitasyon at pagpapanatili ng marine habitats ng Pilipinas.
Binigyang-diin ni Marcos, kasalukuyang Kalihim ng DA ang pangangailangan para sa Pilipinas na sumunod sa international commitments nito, partikular na sa European Union hinggil sa pagpigil o paghadlang sa IUUF.
Iginiit din ng Pangulo ang kahalagahan ng pagtugon sa concerns ng fishery stakeholders sa pamamagitan ng paggamit ng science-based approach sa pangangasiwa ng marine resources.//CA
