GIRESPETO sa labaw sa Transportation Office (LTO) 12 ang gipagawas nga suporta sa Department of Justice (DOJ). Sa posisyon sa miyembro sa House of Representative sa panawagang ibasura ang comprehensive driver’s education (CDE) isip rekisitos dugang pag-renew og driver’s license.
Matud ni LTO-12 director Macario Gonzaga, padayon ang ilang implementasyon niini hangtud walay mandu ang central office. Gihingusgan niini nga kinahanglang ma-refresh o ma-review ang mga drayber sa balaud trapiko bag-o ang renewal sa lisensiya.
Kini aron likayan o konhuran ang insidente sa ‘road crash’ nga sagad makaangol sa indibidwal ug makakutlo og kinabuhi. “Kung ma-review o ma-refresh nato ang atong mga driver’s dako ni siya og tabang sa pag-educate sa mga driver’s nga mo-drive and this is in response lagi tungod sa daghan kaayo’ng mga road crashes ug makita nato nga ang causes of the road crashes tungod lagi kay ang drivers kaskasirado kayo,” asoy ni Gonzaga.
Ang resolusyon sa Kongreso, ang pag-awhag sa Department of Transportation (DOTr) ug Land Transportation Office (LTO) gilayong pagtangal sa dugang rekisitos sa pagkuha og sertipikasyon nga nakakumpleto ang drayber sa CDE. Sa rules, sa CDE nga gipatuman sa ahensiya ang kinahanglang kuhaon sa LTO-accredited driving schools, nga dunay bayad nga P3, 000 – P5, 000. I Richel Gubalani
