Emosyonal nga ginsaysay ni Nanay Cristita nga tubtob sa karon indi sini mabaton ang kamatayon sang iya apo matapos ini nga ginbuno samtang nagapauli nagikan sa binaylehan, Huwebes sang kaaganhon sa Brgy. Camburanan, Tapaz, Capiz.
Suno kay Nanay Cristina, isa ka maayo kag mapinalangaon nga apo si alyas ‘Toto’ kag handom sini nga mangin pulis sa pila ka adlaw kun makatapos siya pag-eskwela apang sa isa lang ka kisap ginbawian ini sang kabuhi. Dugang pa sini, wala man ini sang may nabatian nga kaaway ang biktima.
Samtang, nakuhaan naman sang CCTV ang natabo nga pagbuno-patay sang suspek sa biktima. Sa karon, nakahunong na sa karsel sang Tapaz PNP ang suspetsado nga si alyas “Nonoy” 40-anyos, residente sang Brgy. Agcococ sa nasambit nga banwa.| Ken Mark Gicalde