Arestado ang isang lalaki matapos umano nitong tangayin ang cellphone ng isang babae sa Barangay Pahinga Norte, Candelaria, Quezon nitong Huwebes, Mayo 23.
Ayon sa police report, alas-7:37 noon ng umaga nang pasukin ng suspek ang isang tindahan at doon na nito tinangay ang cellphone ng biktima na nagkakahalagang ₱85,000.
Samantala, sa tulong ng CCTV, nakilala at naaresto ng awtoridad ang suspek at narekober din ang ninakaw nito.
Sa ngayon, nasa kustodiya ng Candelaria Municipal Police Station ang suspek na nahaharap ngayon sa kasong Theft.
