Aksidenting nasunggaban it motorsiklo ru naga tabok sa karsadahon nga lola sa Diversion Road Brgy. Tigayon, Kalibo.
Sa imbistigasyon, nakilaea ru biktima nga si Gloria Ricamonte, residente it nasambit nga lugar.
Samtang, ru driver it naka banggang motorsiklo hay nakilaeang si John Lory Agus, 23 anyos Cayangwan, Makato.
Naka angkon it head injury ru biktima samtang ru driver hay naninahan sa naga kasari-saring parte it kaeawasan ag padayon pa nga gina bueong sa hospital.
Samtang, naka taeana nga maga settle makarong adlaw ru pamilya it kada panig.//MARIVIC Y. ILIN
