Hiniling sa Korte Suprema ng isang partylist group na tanggalan ng lisensiya bilang abogado si Ambassador to the United Kingdom Teodoro Locsin Jr.
kinondena ng 1Bangsa partylist ang post sa social media ni Ambassador Locsin na patayin ang mga batang Palestinians.
Nakasaad rin sa disbarment complaint ang mga sensitibong tungkulin ni Locsin gaya ng pagiging diplomat, Ambassador Extraordinary and Plenipotentiary, at isa sa pinakamataas na diplomatic rank ng Pilipinas sa ibang bansa.
Sinabi ng naturang grupo na nakakabit sa posisyon ni Locsin ang bigat ng kanyang tungkulin bilang kinatawan ng Estado ng Republika ng Pilipinas United Kingdom.
Kaya hindi katanggap-tanggap ang inasal nito lalo na napakataas ng kanyang katungkulan sa pamahalaan.
