GINAHULAT na lamang karon ni Kagawad Jose Edmar Yumang ang mahimong desisyon sa local IATF kalabot sa duha ka resolusyon nga giduso isip hangyo nga wagtangon ang liquor ban ug pamub-an ang curfew hour sa GenSan.
Rason ni Yumang nga sa guidelines sa national IATF wala man ginapatuman ang liquor ban gawas pa nga dili usab angayang masakripisyo ang tanan sa sayop sa usa ka business operator.
Bisan sa iyang hangyo sa local IATF, mag-agad gihapon sila sa mahimong desisyon sa maong grupo tungod tungod naka-GCQ ang GenSan ug bugtong gidili ang pag-abli sa mga bars, apan dili ang pagbawal sa pagbaligya og alcoholic beverages sa mall ug ubang retail outlet gawas nga kini ang i-regulate.
Gawas sa pagwagtang sa liquor ban, naaprobahan usab ang resolusyon nga pamub-an ang curfew hours gikan sa kasamtangan nga alas 10 sa gabii hangtud alas 4 sa kaadlawon, himuon kining alas 11 sa gabii hangtud alas 4 sa kaadlawon. Sa hangyo nga pamub-an ang oras sa curfew, mao usab ang oras nga gidili ang pagbaligya og ilimnong makahubog.
