MAY pipila na lang nga wala nakadawat og suweldo nga job order workers sa City Engineers Office alang sa May 16 to May 31 ug ginaproseso na usab ang sunod nga mga suweldo sa mga nahisgutan.
Kini ang gibutyag ni Engr. Emerald Signar, labaw sa maong buhatan nga nalangan lang ang payroll sa ubang job order workers tungod sa ilang overtime.
Gitino usab ni Signar nga dili sa ilang buhatan ang hinungdan sa pagkalangan apan kini ang iyang gina-follow up aron mapadali na sa paghatag.
Usa sa hinungdan usab sa pagkalangan ang work arrangement sa ubang hingtungdang buhatan. Hinuon gipasalig ni Signar nga ang sunod nga payroll gilauman nga mas paspas na tungod gilahi na ang overtime ngadto sa main payroll.
