Nagpaalala si House Speaker Martin Romualdez sa lahat ng stakeholders na sumunod sa batas upang walang maging problema.
Sa panayam kay Romualdez, natanong ito ukol sa kanyang paninindigan sa isyu ng Philippine Offshore Gaming Operators o POGO.
Sinabi ng Speaker na ang sinumang lumalabag sa batas ng bansa ay dapat na maparusahan.
Ipinauubaya rin ni Romualdez sa mga kapwa kongresista ang pag-monitor sa mga aktibidad sa kani-kanyang distrito dahil alam na umano nila ang gagawin.
Ilang mga kongresista na ang nagpahayag ng pagtutol sa operasyon ng POGO at nananawagan na ipatigil na ito sa Pilipinas dahil sa mga naitatalang krimen.
