GINALAUMAN nga mahatag na sa mas daling panahon ang transport cooperative sa Libreng Sakay sa Land Transportation Franchising and Regulatory Board kun LTFRB, luyo nga hangtud Hunyo 30 na lang ang maong programa subay sa Bayanihan 2.
Matud ni LTFRB-12 regional director Renato Padua nga ginaproseso ang kwarta nga ilang ibayad ngadto sa transport cooperative nga nag-avail sa maong programa.
Butyag ni Padua, naka-release na sila og P9.6 million ug sunod nga i-release ang P8 million nga maoy ginahulat sa mga operator ug drivers sa maong programa.
Gipanghinaut na lamang niini nga magpadayun pa ang maong Libreng Sakay alang sa mga healthcare workers ug Authorized Person Outside Residence kun APOR kung maaprobahan sa Kongreso ang next round sa programa nga magsugod sa Hulyo 13. Nasayran nga gawas sa Libreng Sakay, aduna usay laing net servicing nga gapaningil sa pasahero ug walay problema sa capitalization.
