WALA gihapon ginatugutan ang paghatod og pasahero sa GenSan airport gawas sa pasahero.
Kini ang gibutyag ni PLt. Cyrus Tumbaga Sombrito, opisyal 1201st manuever company sa Regional Mobile Force Batallion 12 nga ginatugutan ang pribadong sakyanan nga makahatod og pasahero sa airport apan ang mga mohatod nga kabanay, kutob lang sila sa entrance pasulod sa airport.
Ang musulod usab sa GenSan, ang pasahero mahimong mosakay sa pribadong sakyanan nga may authorization gikan sa LGU nga masugat niini o kaha mismong sakyanan nga gitahasan sa LGU nga musundo.
Matud ni Sombrito, gihimo ang maong patakaran aron malikayan ang pagdasok sa mga tawo sa airport ug masunod ang minimum health protocols. Gibutyag usab niini nga wala nay pagpresenta og negative result sa RT-PCR test sa pasahero nga mogawas sa GenSan apan may negative result sa RT-PCR test ang pasulod sa Dakbayan.
