LEGAZPI CITY – Generally peaceful an presenteng sitwasyon sa Libon, Albay sa ibong kan pagkakakalot kan mga otoridad sa skeletal remains o mga kalansay kan su boot mga ginaradan ni Gilbert Conception asin kan grupo kaining Conception Criminal Gang.
Segun kay PEMS Maribeth Corporal, Chief Investigator kan Libon Municipal Police Station, dawa matoninong an sitwasyon, dai man giraray sinda nagpupundo sa pag-monitor sa mga nawalat ni Gilbert asin kan CCG. Sa ngunyan kaya, igwa pa nin mga pinaghahanap an National Bureau of Investigation na mga ginaradan man kan grupo.
Sinabi niya, mantang wara pa nin update sa kun nuarin naman an masunod na pag-locate, nagpapadagos an saindang imbestigasyon sa bagay na ini.
Mientrastanto, an mga nakuang kalansay, presenting nasa Public Cemetery kan Libon. Pangapodan niya sa mga kataraid na barangay na kun may mga nawawara sindang kapamilya na dai na-report, i-report na ini sa sainda nganing tulos man ining mahanap.
