Liboan na ka mga batan-on ang nabakunahan batok sa Coronavirus Disease 2019 dinhe sa Cagayan de Oro.
Kini ang gikompirma ni City Health Office Medical Officer Dr. Ted Yu Jr., dungan sa nagpadayon nga pediatric vaccination roll out sa syudad.
Subay niini, misaka sab sa 11,688 nga batan-on edad 12 ngadto sa 17-anyos ang naka-pre-register na ug nagpa-abot na lamang sa schedule sa vaccination.
Sa maong ihap 762 niini ang dunay comorbidities kinsa mao ang labing-unang prayoridad.
Una nang gipasabot nga ang mga adunay comorbidities nga batan-on dili mahimong bakunahan sa mega sites, apan didto lamang kini modawat sa bakuna sa mga hospital.
