IKONSIDERA sa LGU ang tanang kabalaka sa mga stall vendors sa Central Public Market sa GenSan dungan sa mallengke deal , kini ang gipasalig ni Konsehal Dominador Lagare Jr., dungan sa gitakdang pagtagbo nila sa sakop sa Public- Private Partnership Center (PPPC).
Matud ni Lagare Jr., usa sa hisgutan ang napatik sa unsolicited proposal sa Robinsons Land Corportation (RLC) kalabutan sa renta sa siyudad, kung asa lakip ang gikabalaka sa mga vendor nga ang pribadong kompanya ang mamili og vendor nga ika-okopa sa palengke gikan sa 1,600 naa na lang sa 400.
Naglaom usab si Gina Rubio, tulo ka dekada nang stall owner sa palengke nga mahimong transparent kanila ang LGU sa deal aron dili sila makurat ugaling sila ang dili na makapaninda sa palengke.
Kahibaluan nga gi-hold sa LGU ang konstruksyon sa “mallengke” human mipalag ang mga vendors sa planong pag-privatize sa palengke.
