SUPORTADO sa kapulisan sa Police Regional Office (PRO) 12 ang law enforcement implementation sa Davao City, kini ang unod sa gipagula nga quote card sa Police Regional Office (PRO) 12 dungan sa impormasyon nga gatusan ka pulis ang gipadala sa Davao City.
Tumong nga masilbi ang warrant of arrest sa leader sa Kingdom of Jesus Christ (KOJC) nga si Pastor Apollo Quiboloy, apan tak-om ang baba sa mga opisyal sa PRO-12 sa pangutana kung pila ka personahe nila ang naa karon sa Davao City.
Samtang sa impormasyon sa pipila ka opisyal sa PRO-12 dili moubos sa 400 ka pulis ang gi-augment sa Davao City alang sa maong tumong.
Ang mga pulis gikan sa PRO-12 ang niabot sa Davao City atong Sabado sa buntag.
